Shugaban kasar Sin Xi Jinping ya isa kasar Brazil a jiya Talata, domin halartar taron shugabannin kasashen kungiyar BRICS karo na 11.

Taron na BRICS, wanda zai hallara shugabannin kasashe mambobinsa, wato Brazil, da Russia, da India, da Sin da Afirka ta kudu, zai gudana ne a Brasilia, fadar mulkin Brazil, a ranekun Laraba da Alhamis.

Gabanin isa kasar Brazil, shugaba Xi ya gudanar da ziyarar aiki a kasar Girka. (Saminu Hassan)