2019-10-09 10:41:12        cri

Dakarun gwamnatin Burkina Faso, sun kashe akalla mutane 30 da ake zargin 'yan ta'adda ne a Gorgadji dake arewacin yankin Sahelian na kasar.

Gidan talabijin na RTB na kasar, ya ruwaito cewa, sojoji da dama sun raunata yayin arangamar da aka yi a yankin arewacin kasar da ayyukan 'yan ta'adda suka daidaita.

Tun daga shekarar 2015 Burkina Faso ke fama da hare-haren ta'addanci, wadanda suka yi sanadin mutuwar mutane sama da 500 da raba wasu sama da 280,000 da matsugunansu, ciki har da dalibai sama da 9,000. (Fa'iza Mustapha)