2019-08-25 16:20:55        cri

Shugaban kungiyar matasan Libya NOLY, Khaled Ghouil, ya bayyana a birnin Tunis cewa, sun bullo da wani shirin hadin gwiwa na kasashen Afrika wanda zai taimaka wajen kare hakkin mata, kananan yara, da matasa a nahiyar.

A lokacin wani taron karawa juna sani wanda kungiyar matan Tunisiya UNFT, ta shirya tare da hadin gwiwar kungiyar NOLY, da kungiyar tuntuba ta matan kasar Tunisiya, da kungiyar dalibai da matasan yankin Sahel da kasashen yankin hamadar Sahara, da kuma majalisar matasan Tunisiya, Ghouil yace, kungiyoyin sun sha alwashin yin aiki tukuru wajen lalibo hanyoyin warware dukkan matsaloli da kalubalolin dake damun mata da matasan Afrika.

A cewar shugaban na NOLY, wannan shirin an bullo dashi ne da nufin hada kan dukkan kungiyoyin mata da matasa na kasashen Afrika.

A nata bangaren, shugabar UNFT Radhia Jeribi tace, shirin zai yi cikakken nazari wajen binciko dukkan muhimman hanyoyin da zasu warware matsalolin dake damun mata da matasan Afrika, kamar matsalar talauci, jahilci, cin rani, yake yake, da rikicin siyasa.