2019-06-25 09:46:33        cri

Bisa bukatar Amurka, Mataimakin Firaministan kasar Sin Liu He, ya tattauna ta wayar tarho da Robert Lighthizer, wakilin Amurka dake tattauna batun cinikayya da tattalin arziki da kasar Sin da kuma sakataren baitulmalin Amurkar, Steven Mnuchin.

Bangarorin biyu sun yi musayar ra'ayi kan batutuwan da suka shafi tattalin arziki da cinikayya.

Bangarorin biyu sun kuma amince su ci gaba da tuntubar juna.

Liu He, shi kuma mamba ne a hukumar kula da harkokin siyasa ta kwamitin tsakiya na JKS, kana jagoran wakilan kasar Sin dake tattaunawar cinikayya da Amurka. (Fa'iza Mustapha)