2019-06-17 11:13:48        cri

Wasu alkaluma da mahukuntan kasar Sin suka fitar ya nuna cewa, akwai makarantun fasaha da kwalejoji ilmi kimanin 2,379 a kasar, kuma baki daya suna da adadin dalibai kimanin miliyan 3.41 ya zuwa karshen shekarar 2018.

Kimanin mutane miliyan 4.2 ne suka samu horo a makarantun da kwalejojin a shekarar 2018 karkashin wani shirin bada horo ga al'umma, kamar yadda rahoton alkaluman yawan jami'ai da hukumar kula da ma'aikata ta kasar Sin na shekarar 2018 ya bayyana.

Yawan shirye-shiryen horas da sana'o'i da aka gudanar a duk fadin kasar a shekarar 2018 ya kai mutane sama da miliyan 16, wanda ya hada da wasu masu 'yan ci rani miliyan 8.3 da aka shigar da su ayyukan noma da kuma mutane miliyan 2.1 marasa aikin yi a yankunan birane da aka yiwa rijista. (Ahmad Fagam)