Gwamnatin kasar Sin ta soma ayyukanta na kokarin kiyaye al'adun tarihi da aka gada daga kaka da kakanni da ba na kayayyaki ba ne tun shekaru kalilan da suka gabata, haka kuma tana aiwatar da matakai daban-daban domin nuna goyon-baya da baiwa masu gado kwarin-gwiwar su gudanar da ayyukan gadon al'adun tarihi da aka gada daga kaka da kakanni. Mista Zhou Heping, mataimakin ministan kula da harkokin al'adu na kasar Sin ya nuna cewa, kwalliya ta riga ta biya kudin sabulu a fannin kare al'adun tarihi da aka gada daga kaka da kakanni da ba na kayayyaki ba, inda ya ce: "Gwamnatin kasar Sin ta dade tana maida hankali sosai kan aikin kiyaye al'adun tarihi da aka gada daga kaka da kakanni da ba na kayayyaki ba. Yanzu kasar Sin ta kafa yankunan gwaje-gwaje guda hudu na kiyaye al'adun gargajiya da muhallin halittu, haka kuma tana kokari ba kakkautawa wajen tsara dokokin shari'a a wannan fanni."