Masu karatu, kowa ya sani cewa, za a shirya gasar wasannin Olympic ta Beijing a wannan shekara. Birane 6 na kasar Sin sun ba da taimako wajen shirya wannan muhimmiyar gasa. Za a yi shirin wasa na sukuwar dawaki na gasar wasannin Olympic ta Beijing da na gasar wasannin Olympic ta Beijing ta nakasassu a yankin musamman na Hong Kong na kasar Sin. Yanzu an kammala gina galibin filayen wasa da na'urorin aikin horaswa domin wannan shiri.

Bisa shirin da aka tsara, za a yi shirin wasa sukuwar dawaki na gasar wasannin Olympic ta Beijing a filayen wasa 2, wato za a yi shirin ketare shinge da shirin wasa sukuwar dawaki tare da kida a filin wasa sukuwar dawaki na Shatian. Sa'an nan kuma, za a yi sashen gudun fanfalaki kan dawaki na shirin wasa sukuwar dawaki na tsawon kwanaki 3 a filin wasa ta ketare shinge da gudu na dogon zango kan dawaki na Shangshui. A cikin wadannan filayen wasa 2, an kuma samar da isassun na'urorin da abin ya shafa.