Gina filin wasan kwallon raga na taron wasannin Olympic na Beijing a kan karamin tsibirin da ke tsakiyar tabki na matsayin zayyana mafi ban sha'awa a idanun mutane, saboda ruwa na kewayen wannan filin wasan kwallon raga.

Girman wannan tsibiri ya kai misalin mita 300, kuma yana kewaye ne da ruwa, an hada shi da sauran wurare da kananan hanyoyi 2 a kudancinsa. Ana shuka kwarran tsire-tsire a bakin tsibirin, wadanda suka raba kyan karkara na tabkin daga birnin Beijing mai kara kwata-kwata. A cibiyar tsibirin, an gina babban filin wasa, sa'an nan kuma, an gina filayen wasa na horo a kan bakin tabkin da mutane suka shimfida a yammacin tsibirin. Gine-ginen gudanar da harkokin yau da kullum suna kasancewa a bakin tabkin da ke gabashin tsibirin, inda aka dasa bishiyoyi masu dimbin yawa. In wani ya hango daga nesa, to, babban filin wasa da sauran gine-ginen gudanar da harkokin yau da kullum suna kasancewa tamkar kwallon raga ya yi karo da yatsar hannun mutum.

A sakamakon matsayin filin wasa na wucin gadi, shi ya sa bayan taron wasannin Olympic na Beijing a shekara mai zuwa, za a rushe filin wasan kwallon raga da ke wurin yawon shakatawa na Chaoyang na Beijing. Amma duk da haka, masu zayyana sun yi shirin musamman game da yin amfani da shi bayan gasa tukuna. Bayan taron wasannin Olympic na Beijing, za a kashe kudade kalilan wajen bunkasa wannan filin wasan kwallon raga da gine-ginen da ke dab da shi zuwa wurin yawon shakatawa kan ruwa bisa wuraren da suke kasancewa da kuma halin da suke ciki.