Li Lianjie mai shekaru 44 da haihuwa shi ne wani dan wasan sinima da ya yi suna sosai a kasashen duniya. A shekarar 1982, ya soma nuna wasan Gongfu a karo na farko a cikin sinimar da ke da lakabi haka: Temple Shaolin, ya zuwa yanzu, ya riga ya nuna wasan Gongfu a cikin sinima da yawansu ya kai 33. A kwanan baya ba da dadewa ba, a birnin Beijing, an soma nuna sinima mai suna "Huo Yuanja" wanda Mr Li Lianjie ya zama babban dan wasa a ciki. A cikin sinimar, an bayyana cewa, a karshen karni na 19 zuwa farkon karni na 20, an sami wani labari dangane da duk zaman rayuwar Huo Yuanjia wanda ya kasance kakan tsohon hannu na wasan Gongfu.

A lokacin da Mr Li Lianjie yake karami, an kira shi da cewar wai yaro mai kwarewar wasan Gungfu . Lokacin da ya shiga aji na biyu a makarantar firamare, ya nuna fiffikonsa sosai wajen nuna wasan Gongfu a kos din horar da fasahar wasan Gonfu, sai an shigar da shi cikin kungiyar nuna wasannin Gongfu ta Beijing don ya zama wani dan wasan Gongfu . Sa'anan kuma, Li Lianjie ya yi kokarin koyon fasahar wasan Gongfu , ya zama dan wasan Gongfu a hukunce, daga bisani kuma, ya zama shahararren dan wasan Gongfu na sinima. Mr Li Liangjie ya bayyana cewa, a wancan lokaci, ban sa ran alheri sosai ga makomata a nan gaba ba, sai na yi tsammani cewa, kamata ya yi na sami kudi da yawa don rage nauyin da ke bisa wuyan mahaifiyata, da kuma bari mahaifiyata ta kwantar da hankalinta ba tare da damuwar da ta yi a kan abubuwan da na yi ba, kuma mahaifiyata ta yi alfahari da samun danta kamar ni kaina na ke yi, duk saboda na riga na rasa mahaifina.

Bisa matsayin dan wasan Gongfu, Mr Li Lianjie ya zama zakara sau da yawa a cikin gasar wasan Gongfu da aka shirya, kuma ya kai ziyara a kasashe fiye da 40. A shekarar 1982, Zhang Xinyan ,babban direktan wasan sinima mai suna "Temple Shaolin" ya zabi Mr Li Lianjie da ke da shekaru 17 da haihuwa don ya zama babban dan wasa, a cikin sinimar, ya zama wani sufi mai bin addinin Bhudah na Temple Shaolin da ke kwarewar Gongfu sosai kuma na da halin nuna adalci sosai. Bayan da aka nuna sinimar, sai mutane sun burge sosai da sosai, kuma sinimar ta zama wani babbar alamar da ke cikin zaman rayuwar Li Lianjie.

Amma, bayan da Li Lianjie ya kammala aikin daukar sinimar, sai ya shiga lokacin fama da wahaloli masu tsanani sosai, duk saboda ya fadi kuma ya karya kwaurinsa a cikin wani horon da aka yi masa, Mr Li Lianjie ya bayyana cewa, an yi mini aikin tiyata cikin sa'o'i 7, wannan ne babban bugun tsiya da aka yi mini , likita ya ce, ya iya ba da alkawari gare ni cewar wai zan iya tafiya, amma ba zan iya ci gaba da wasan Gonfu ba. Saboda haka a cikin watanni biyun da na ke kwantawa a cikin asibiti, sai na yi kuka sau da yawa har da hawaye, ban san yadda zan yi a nan gaba ba, a wancan lokaci, kamfanin sinima ya ce, bai kamata ba a tono labarin nan, amma ni kaina ina soma damuwa da makomata ta nan gaba.