A watan Agusta na shekarar bara, an sami nasarar shirya gasar shirye-shirye 3 na wasa da dawaki ta kasa da kasa a filin wasa na sukuwar dawaki ta gasar wasannin Olympic ta Beijing a Hong Kong. A matsayinta na daya daga cikin gasannin yin gwajin filayen wasa wajen shirya gasar wasannin Olympic ta Beijing, gasar da aka yi a shekarar bara ta yi wa filin wasa na sukuwar dawaki a Hong Kong gwaji ta fuskar wurin gasa da na'urori da aikin kiwo lafiyar dawaki da tsaron lafiyar mutane da lafiyar dawaki da sufuri da aikin sadarwa da kuma matsayin ma'aikata wajen ba da hidima. Gasar ta sami amincewa daga hadaddiyar kungiyar wasan Olympic ta kasa da kasa da hadaddiyar kungiyar wasa na sukuwar dawaki ta kasa da kasa. Bugu da kari kuma, kwamitin wasan Olympic na Hong Kong da hadaddiyar kungiyar tseren dawaki ta Hong Kong sun tattara ingantattun fasahohin shirya gasanni. Babu tantama wannan zai dasa harsashi mai kyau wajen samun nasarar shirin wasa na sukuwar dawaki na gasar wasannin Olympic ta Beijing.(Tasallah)