Peter Milliken ya nuna cewa, ziyarar da tawagar ta yi ta bayyana labarai game da bunkasuwar da jihar Tibet ta samu, kuma ya nuna babban yabo ga sakamakon da jihar Tibet ta samu a cikin shekaru 50 da suka wuce.

Shugaban tawagar kuma wakilin majalisar wakilan jama'ar kasar Sin kuma mataimakin darektan kwamitin din-din-din na majalisar wakilan jama'ar jihar Tibet mai ci gashin kanta Shingtsa Tenzinchodrak ya nuna babban yabo ga gudummawa da Peter Milliken ya yi wajen sa kaimi ga dangantakar abokantaka a tsakanin Sin da Canada. Ya nuna cewa, wannan karo ne na farko da tawagar jihar Tibet ta majalisar wakilan jama'ar kasar Sin ta kai ziyara a kasar Canada, yana fatan wannan ziyara za ta ba da taimako ga masu mai da hankali a kan jihar Tibet na kasar Canada wajen kara fahimtar halaccin jihar Tibet.

A ran nan da safe, mataimakin ministan ma'aikatar harkokin waje na kasar Canada ya gana da tawagar, kuma ya nuna cewa, gwamnatin kasar Canada tana tsayawa tsayin daka a kan gwamnatin Sin ita kadai ce halatacciyar gwamnati, ba ta nuna goyon baya ga duk ayyukan kawo barakar kasar Sin ba.(Abubakar)