Sanarwar ta ce, kwamitin wasannin Olympic na duniya da tawagar wakilan gwamantin kasar Iraq sun daddale wata yarjejeniya, inda aka bukaci kasar Iraq da ta kafa kwamitin wasannin Olympic na wucin gadi dake zaman kansa, kuma kafin karshen watan Nuwamba na shekarar da muke ciki, dole ne a kafa kwamitin wasannin Olympic na kasar Iraki a hukunce.

Bisa wannan sharadi, kwamitin wasannin Olympic na duniya ya yarda da kwamtin Olympic na Iraki na wucin gadi da ya zabi yan wasanni, da masu bayar da horo, da masu jagorar tawaga, da kuma shiga gasar wasannin Olympic ta Beijing. Shugaban kwamitin wasannin Olimpic na duniya Jacques Rogge ya yabo ga kokarin da gwamantin kasar Iraq ke yi domin moriyar yan wasanni, kuma ya ce, kwamitin wasannin Olympic na duniya da gwamnatin kasar Iraki dukkansu suna fatan yan wasanni na kasar Iraki su shiga cikin gasar wasannin Olympic ta Beijing. (Zubairu)