Mista Wen ya jaddada cewa, akwai bambanci tsakanin al'adu iri daban-daban, kowace al'ada na kunshe da ra'ayi da buri iri daya. Ya kuma bayyana cewa, kasar Sin na mayar da Larabawa a matsayin abokan arziki da 'yan uwa. Haka kuma ya nuna cewa, gwamnatin kasar Sin ta tsara jerin manufofi, a kokarin nuna goyon-baya ga bunkasuwar tattalin arziki da al'adu da kyautatuwar zaman rayuwar jama'a a yankunan kananan kabilu. 'Yan kananan kabilu mabiya addinin Musulunci suna zama tare da mutanen sauran kabilu ba tare da matsala ba, wadanda dukkansu ke taimakawa ci gaba da bunkasuwar kasar Sin.

Dadin dadawa kuma, a cikin jawabinsa, Mista Wen Jiabao ya sake nanata cewa, kasar ta Sin za ta ci gaba da ingiza yunkurin shimfida zaman lafiya a yankin Gabas ta Tsakiya. Ya ce, yin shawarwari cikin lumana, da kara samun fahimtar juna, da daina rikicin zubar da jini, hanya ce mafi kyau da za'a bi wajen daidaita matsalar yankin Gabas ta Tsakiya.(Murtala)