Ran 17 ga wata, shugaba Hu Jintao na kasar Sin ya tashi daga birnin Port Louis domin dawo kasar Sin bayan da ya kammala ziyarar aiki ta farko a kasar Mauritius. Mr. Ramgoolam firaministan kasar Mauritius ya shirya biki a filin jirgin sama domin raka da Mr. Hu Jintao.

Yayin da yake yin ziyara a kasar Mauritius, bi da bi ne Mr. Hu Jintao ya gana da shugaba Anerood Jugnauth na kasar, kuma ya yi shawarwari tare da Mr. Ramgoolam firaministan kasar da shugaban jam'iyyar adawa. Bangarorin biyu sun yi shawarwari da yin musayar ra'ayoyi kan harkokin yankuna da duniya da ke jawo hankulansu. Ban da haka kuma sun sami ra'ayi iri daya wajen sa kaimi ga hadin gwiwar da ke moriyar juna tsakanin kasashen biyu. [Musa Guo]