|
Ran 19 ga wata, wani jami'in cibiyar harba tauraron dan Adam da ke Jiuquan na lardin Gansu a arewa maso yammacin kasar Sin ya bayyana cewa, a ran 18 ga wata, an kammala hada kumbo mai ratsa sararin samaniya kuma mai daukar mutane kirar Shenzhou-7 da roka kirar Changzheng-2F, nan gaba kadan za a yi jigilar shi zuwa wurin harba.
Wannan jami'i ya kara da cewa, bayan da aka ajiye kumbon da rokar a cibiyar, ma'aikatan manyan tsare-tsaren kumbo mai ratsa sararin samaniya kuma mai daukar mutane sun sha yin gwaje-gwaje tare, kuma halin da kumbon da rokar suke ciki yana da kyau, ana gudanar da ayyukan share fage yadda ya kamata.
Za a harba kumbo mai ratsa sararin samaniya kuma mai daukar mutane kirar Shenzhou-7 a ran 25 zuwa 30 ga wata in akwai dama.(Tasallah)
|
