A cikin jawabin da ya yi a gun liyafar, shugaba Hu ya bayyana cewa, tun bayan da kasar Sin ta sami bakuncin shirya gasar wasannin Olympic ta nakasassu ta Beijing a shekarar 2001 har zuwa yanzu, gwamnatin Sin da jama'ar Sin sun aiwatar da alkawarin da suka yi wa kasashen duniya a tsanake, sun yi iyakacin kokari wajen share fagen gasar wasannin Olympic ta nakasassu ta Beijing bisa bukatar da aka bayar, wato shirya gasar wasannin Olympic da ta nakasassu masu kayatarwa. Ya yi imani da cewa, tabbas ne za a yi gasar wasannin Olympic ta nakasassu ta Beijing mai halin musamman kuma bisa babban mataki. Sa'an nan kuma, a matsayinta na wani dandamalin da zai kyautata amincewa da juna da zumunci a tsakanin nakasassun da suka zo daga kasashe daban daban, gasar wasannin Olympic ta nakasassu ta Beijing za ta bai wa sha'anin wasannin motsa jiki na nakasassu na duniya dukiya mai daraja ta fuskar ruhu.

Ban da wannan kuma, shugaba Hu ya jaddada cewa, kasar Sin za ta yi amfani da damar shirya gasar wasannin Olympic ta nakasassu ta Beijing domin himmantuwa wajen kiyaye iko da moriyar nakasassu da tabbatar da ganin nakasassu sun shiga harkokin zaman al'ummar kasa cikin adalci da kuma more sakamakon da kasar Sin ta samu daga wajen raya tattalin arziki da zaman al'ummar kasa.(Tasallah)