Yau 2 ga wata, ana cigaba da mika wutar wasannin Olympic ta nakasassu a kasar Sin bisa hanyoyi biyu, wato "Sin ta gargajiya" da kuma "Sin ta zamani", kuma biranen da za a ratsa yau su ne Nanjing da kuma Qingdao.

Tsawon hanyar da za a bi wajen mika wutar a birnin Nanjing ya kai kilomita 3, kuma gaba daya mutane 60, ciki har da nakasassu 9, za su mika wutar a birnin.

Sa'an nan, tsawon hanyar da za a bi wajen mika wutar a birnin Qingdao ya kai kilomita 4.25, ciki har da kilomita 1 da za a bi a kan teku, kuma mutane 70 za su shiga aikin mika wutar a birnin.(Lubabatu)