Ran 25 ga watan da dare, babban kwamanda na ayyukan harbar kumbo mai dauke da mutane na kasar Sin Chang Wanquan ya ba da sanarwa a cibiyar harbar kumbo ta Jiuquan cewa, an yi nasarar harbar kumbo kirar "Shenzhou-7" mai dauke da mutane, kuma ya riga ya shiga hanyarsa domin aiwatar da ayyukan kumbo mai dauke da mutane a karo na uku.

Ran nan da misalin karfe 9 da da minti 10 a dare, roka kirar "Changzheng-2F" ya tashi tare da kumbo kirar "Shenzhou-7" mai dauke da mutane uku a cibiyar harba kumbo a Jiuquan, kuma da karfe 9 da minti 31 a dare, kumbon ya shiga hanyar zagaya duniya da tsawonta ya kai kilomita 343 daga kasa.(Fatima)