An labarta cewa, jiya da dare, shugaba Hu Jintao na kasar Sin da shugaban kwamitin wasannin Olympics na nakasassu na kasa da kasa wato IPC, Philip Craven da kuma sauran manya sun kalli wasannin fasaha da kugiyar wasannin ta nakasassu ta kasar Sin suka nuna, inda Mista Hu ya gaishe su da harshen alamar hannu.

Taken wasannin shi ne ' Kyakkyawan mafarkina'. Wasannin fasaha masu ban sha'awa da nakasassu suka nuna sun burge daukacin 'yan kallo kwarai da gaske.

Bayan da aka kammala nuna wasannin, sai shugaba Hu Jintao da Mista Craven sun hau kan dakalin wasa, inda suka yi musafaha da 'yan wasannin fasaha don taya su murnar nasarar da suka samu wajen nuna wasannin. ( Sani Wang )