A watan Yuni, a birnin Qinhuangdao da ke a bakin teku a arewacin Sin, kuma birnin da za a yi wasannin Olympics na birnin Beijing, an rufe duk kananan masana'antun ciminti masu gurbata muhalli sossai guda 16, don tabbatar ingancin iska na birnin.

Za a yi gasannin kwallon kafa 12 na wasannin Olympics na birnin Beijing a birnin Qinhuangdao. Sabo da kyautata ingancin iska na birnin Qinhuangdao, lokacin da aka rufe masana'antu masu gurbata muhalli sossai, ana ci gaba da kara dasa itatuwa da ciyayi a birnin, da kuma kara kyautata muhallin halittu a birnin.(Abubakar)