|
Yau 4 ga wata, ma'aikatar kiwon lafiya ta kasar Sin ta sanar da cewa, ya zuwa ran 3 ga watan nan da muke ciki, da misalin karfe 12 da dare, ba a sami manyan cututtuka masu yaduwa a yankunan da girgizar kasa ta shafa ba.
Ma'aikatar ta sanar da cewa, yanzu Sin na gudanar da aikin rigakafin cututtuka masu yaduwa a matsugunan wucin gadi kimanin 680 da ke cikin birane shida na lardin Sichuan, kuma kowane kauye na samun ma'aikata 2 zuwa 3 wadanda ke kula da aikin rigakafin cututtuka masu yaduwa.(Lubabatu)
|
