A ranar 31 ga watan Mayu, cikin nasara ne, aka kammala aikin mika wutar yola ta gasar wasannin Olympics ta Beijing na rana ta farko a lardin Hubei da ke tsakiyar kasar Sin.
A wannan rana, an mika wutar yola ne a birnin Wuhan, babban birnin lardin Hubei, zakaran wasan lankwashe jiki na gasar wasannin Olympics Mr. Yang Wei ya zama mai rike da wutar yola na farko a wannan karo. An fara mika wutar yola da karfe 8 na safe, duk tsawon hanyar ya kai kilomita 19.9.
Kafin a fara mika wutar yola, dukkan jama'ar da suka shiga cikin aikin mikawa wutar yola sun shirya bikin jimani, domin nuna ta'aziyya ga wadanda suka mutu sakamkon girgizar kasa a gundumar Wenchuan.
Daga ranar 1 zuwa 2 ga watan Yuni, za a mika wutar yola a biranen Yichang, da Jingzhou na lardin Hubei.(Danladi)
|