Taron ya bayyana cewa, har ila yau ana cikin hali mai tsanani wajen yaki da bala'in girgizar kasa da ceton mutane, ya kamata a ci gaba da mai da wanan aiki bisa matsayi mafi muhimmanci kuma mafi gauggawa. Ya kamata a ci gaba da cigiya da ceton mutanen da ke shan wahalar bala'in, a yi kokarin aiki har ba za a rage mutum ko daya ba. Kuma ya kamata a ci gaba da warkar da mutaneda suka ji raunuka, da yin aikin rigakafin cututtuka da kyau don tabbatar da ganin ba a samu cututtuka masu yaduwa ba bayan da babban bala'in ya faru. Sa'an nan kuma ya kamata a mai da muhimmanci don sake tsugunar da jama'a masu fama da bala'in, ta yadda za a samu tabbaci sosai ga zaman rayuwar jama'a masu shan bala'in, musamman ma a mai da hankali sosai don sake tsugunar da marayu yara da tsofaffi da nakasassu. (Umaru)