Da karfe 7 na yamma na ranar 9 ga wata, cikin ruwan sanyi ne, mambobin kungiyar hawan tsauni da suka mika wutar yola a kololuwar Qomolangma, da wutar yola ta gasar wasannin Olympics suka koma babban sansani da ke da tsawon mita 5200.
Bayan da aka mika wutar yola cikin nasara a kololuwar Qomolangma a ran 8 ga wata, mambobin kungiyar hawan tsauni sun fara komawa tare da wutar yola, a ran nan da dare, sun isa karamin sansani da ke da tsawon mita 6500, haka kuma dukkansu sun koma babban sansani a ran 9 ga wata.
Za a kiyaye wutar yola a birnin Lhasa, yayin da za a mika babbar wutar yola zuwa birnin Lhasa a watan Yuni na bana, za a hada wutar yola da aka ajiya a birnin Lhasa da babbar wutar yola ta gasar wasannin Olympics.(Danladi)
|