Shugaba Hu Jintao ya gana da tsohon firayin ministan kasar Japan Mr. Nakasone Yasuhiro, inda ya ce, kasar Sin da kasar Japan dukkansu muhimmiyar kasa ce a nahiyar Asiya, haka kuma a duk duniya, raya dangantakar dake tsakanin kasashen Sin da Japan ta samun moriyar juna bisa manyan tsare-tsare wannan yana dacewa da babban moriyar kasashen biyu da jama'arsu, kuma yana da muhimmanci sosai ga zaman lafiya da bunkasuwa na Asiya, har ma na duk duniya. Gwamnatin kasar Sin tana mai da hankali sosai kan dangantakar dake tsakaninta da kasar Japan, kuma tana tsayawa tsayin daka kan bin manufar zama tare cikin zaman lafiya, da sada zumanta daga zuri'a zuwa zuri'a, da samu moriyar juna, da kuma samu nbunkasuwa tare.

Ban da wannan kuma, shugaba Hu Jintao ya kara da cewa, kasar Sin ta nuna yabo da godiya ga gwamnatin kasar Japan sabo da tana tsayawa tsayin daka kan bin munufar kasar Sin daya tak a duniya kan batun Taiwan da na Tibet, da kuma nuna goyon baya ga kasar Sin da ta cimma nasarar shirya wasannin Olympic na Beijing.

Mr. Nakasone Yasuhiro kuma ya bayyana cewa, dangantakar dake tsakanin Japan da Sin tana da muhimmanci sosai ga bunkasuwar kasashen biyu da na yankin gabashin Asiya. Ya kamata bangarorin biyu su nuna wa juna sahihanci, su nemi samun ra'ayoyi iri daya ba tare da yin la'akari da abubuwa da aka sha bamban a kansu ba, ya kamata su kafa dangantakar abokantaka cikin dogon lokaci bisa tushen yin tuba ga tarihi. (Zubairu)