Kuma sharhin ya ce, yayin da Mr. Samaranch, shugaba mai girmamawa na duk rayuwa na kwamitin kula da wasannin Olympics na duniya ke zantawa da kafofin watsa labarai na kasar Spain a kwanan nan, ya bayyana cewa, ba a nuna adalci ga kasar Sin ba in a yi amfani da gasar wasannin Olympics wajen nuna adawa da kasar Sin. Kuma ya yi imanin cewa, tabbas ne gasar wasannin Olympics ta Beijing za ta samu nasara. Ya kamata a nuna girmamawa ga Mr. Samaranch sabo da adalcin da yake nunawa.

Ban da wannan kuma sharhin ya nuna cewa, lokacin da shugaban kwamitin kula da wasannin Olympics na duniya Jacque Rogge ke nuna cewa, a idon dukkan jama'ar duniya, bai kamata a nuna adawa da gasar wasannin Olympics ta Beijing ba, lokacin da Peter Ueberroth, shugaban kwamitin kula da wasannin Olympics na kasar Amurka ya jaddada cewa, 'yan wasan kasar Amurka za su shiga gasar, haka kuma lokacin da dukkan membobi 205 na kungiyar kwamitocin wasannin Olympics na kasa da kasa da shiyya-shiyya suke kin amincewa da a nuna adawa da gasar, da kuma yin Allah wadai da a yi amfani da siyasa wajen lalata wasannin motsa jiki, dukkansu sun samu girmamawa da aka nuna musu.(Kande Gao)