A ran 1 ga wata da yamma bisa agogon wurin, wutar gasar wasannin Olympics ta Beijing ta isa birnin Alma-ata na kasar Khazakstan ta jirgin sama na musamman domin fara ziyararta a duk duniya.

Birnin Ama-ata da yawan mutanensa ya kai miliyan 1.5, birni ne mafi girma a kasar Khazakstan da kuma tsohuwar hedkwatar kasar. Za a fara mika wutar yola ta gasar wasannin Olympics ta Beijing a ran 2 ga wata a birnin, kuma wannan shi ne karo na farko da aka mika wutar yola ta wasannin Olympics a birnin a cikin tarihin wasannin.

Kuma an labarta cewa, za a kasa aikin mika wutar yola a birnin Alma-Ata cikin matakai biyu, wato za a mika wutar yola a wurin shan iska na duwatsu da ke bayan birnin, da kuma a cikin birnin. A wancan lokaci, shugaba Nazarbayev na kasar zai halarci harkar mika wutar yola ta gasar wasannin Olympics ta Beijing.(Kande Gao)