Bayan da aka kunna wutar yola ta wasannin Olympics na birnin Beijing a yau 24 ga wata a birnin Olympia, nan da nan ne aka fara mika wutar wadda za a shafe tsawon mako guda ana bikin mika ta a yankin Girika. An ce, a rana ta farko, za a tashi daga tsohon gari na Olympia, wato inda aka sami asalin wasannin Olympics, sa'an nan, za a bi ta birnin Patras a mika wutar har zuwa birnin Messologi da ke yammacin kasar Girika.
An ce, za a ratsa yankuna 16 da birane 43 na kasar Girika wajen mika wutar, kuma tsawon hanyar da za a bi zai kai kilomita 1528. Bayan haka, mutane 605 za su shiga aikin nan na mika wutar yola a yankin Girika.(Lubabatu)
|