Yayin da take ganawa da manema labaru a kwanakin baya, mataimakiyar babban darektan bikin bude da rufe wasannin Olympic na 29 Madam Cui Wei ta ce, bikin bude wasannin Olympic zai gabatar wa 'yan kallo ra'ayin al'adun kasar Sin mai sigar musamman ta hanyar zamani, don cimma burin ?duk duniya za ta iya karba.

Cui Wei ta ce, an yi shekara daya ana tsara fasalin bukukuwan bude da rufe wasannin Olympic da na wasannin Olympic na nakasassun, yanzu an kammala wannan aiki, kuma an riga an shiga matakin shiryawa da gyara wasanni a ran 1 ga wata. Bugu da kari, an tsaurara zaben mata kan 'yan wasan kwaikwayo, kwararrun wasannin fasaha daga duk fadin kasar domin shiga cikin bukukuwan wasannin Olympic an zabe su sosai don tabbatar da kwarewarsu.(Lami)