A kwanan baya, an tabbatar da ingancin dakin wasannin motsa jiki na kasar Sin da aka gina, wanda ke matsayin daya daga cikin muhimman dakuna da filayen wasa da za a yi amfani da su a gun gasar wasannin Olympic na Beijing, kuma shi ne dakin wasa na farko da aka kammala ginawa a cibiyar wasan Olympic ta Beijing.
Fadin dakin wasa na kasar Sin ya kai kadada 6.78, tsayinsa ya kai mita 42.47, fadin gine-ginensa ya wuce murabba'in mita dubu 80, an samar da kujeru dubu 18 a cikinsa. Shi ne dakin wasan da ake da injuna mafi zamani a ciki, kuma ya fi yin amfani sosai a dukkan fannoni.(Tasallah)
|