Mr. Hu Jintao ya ce, amincewar juna a fannin siyasa tsakanin bangarorin Sin da na Australia tana ci gaba da karuwa, sakamakon da suka samu wajen hadin kai a fannin tattalin arziki da na ciniki ya yi kyau, kuma mu'amala da daidaituwa da ake yi a kan batutuwan shiyya-shiyya da na kasa da kasa sun kara zurfafa, dangantakar tsakanin Sin da Australia tana cikin hali mai kyau a tarihi.

Mr. Hawker ya nuna cewa, kasar Sin za ta zama abokin ciniki mafi girma ta Australia, kuma yana fatan huldar tsakanin kasashen biyu za ta ci gaba da bunkasa bisa sakamakon da aka samu. Ya jaddada cewa, bangaren Australia yana bin manufar Sin daya tak, kuma ba za ta canza wannan manufa ba.

Mr. Alan Ferguson ya nuna cewa, cikin 'yan shekarun da suka wuce, majalisar wakilan jama'ar kasar Sin ta yi ta yin mu'amala da majalisar dokokin Australia, wannan ya ciyar da huldar tsakanin kasashen biyu gaba, yana fatan hukumomin kafa dokoki na kasashen biyu za su ci gaba da taka muhimiyyar rawa don sa kaimi ga kasashen biyu da su yi aikin hadin gwiwa mai kawo moriyar juna.(Asabe)