Ya zuwa ranar 2 ga wata da dare, jama'a da yawansu ya zarce miliyan 1 da dubu 200 sun kai ziyara a bikin nune nunen irin ci gaban da aka samu wajen tsaron kasa da raya rundunar sojan 'yantar da jama'a ta kasar Sin tun bayan kafuwar sabuwar kasar Sin.

An bude wannan biki ne a ranar 16 ga watan jiya, domin taya murnar cikon shekaru 80 da kafuwar rundunar sojan 'yantar da jama'a ta kasar Sin. A gun bikin, an bayyana tarihin rundunar sojojin da kuma halin da suke ciki yanzu.(Danladi)