Bayan da ya sauka filin jirgin sama, shugaba Hu ya ba da jawabi a rubuce, inda ya ce, kasar Liberia wata kasa ce mai muhimmanci a Yammacin Afirka. Gwamnati da jama'ar kasar Liberia suna himmantuwa kan kiyaye zaman lafiya da kwanciyar hankali, da sa kaimi kan sulhuntawar al'umma, da daukaka sake gina kasa da bunkasuwarsu, da bin manufofin sada zumunci da jituwa a tsakaninsu da kasashe masu makwabtaka da su, da kuma aiwatar da manufofin diplomasiyya daga dukan fannoni cikin himma da kwazo, sun kuma sami sakamako mai kyau. Cikin sahihanci ne jama'ar Sin suke fatan jama'ar Liberia za su sami sabon ci gaba a kan hanyar bunkasuwa.

Mr. Hu ya kara da cewa, nufin ziyararsa a wannan karo shi ne zurfafa zumuncin gargajiya a tsakanin kasarsa da kasar Liberia, da kara fahimtar juna da amincewa da juna, da habaka yin hadin gwiwar moriyar juna, da kuma kara raya dangantakar da ke tsakanin kasashen 2.(Tasallah)