Bayan da suka yi kwanaki 2 suna hutawa kadan a ofishin jakadanci na kasar Sin a kasar Nijeriya, ma'aikata 5 da aka 'yantar da su sun tashi daga Lagos a ran 21 ga wata misalin da karfe 3 da yamma, bisa agogon wurin domin dawowarsu a kasar Sin.

Wadannan ma'aikata 5 sun sauka filin jirgin sama na Lagos ne daga birnin Abuja cikin jirgin sama a wannan rana misalin da karfe 8 da safe bisa agogon wurin, sun kuma dawo gida cikin wani jirgin sama na kamfanin zirga-zirgar jiragen sama na Southern na kasar Sin misalin na karfe 3 na yamma.

Karamin jakadan kasar Sin a Lagos Yuan Wenjin da babban darektan ofishin kamfanin zirga-zirgar jiragen sama na Southern na kasar Sin a Lagos Jiang Nan sun yi wa wadannan ma'aikata ban kwana a filin jirgin saman, inda Mr. Yuan ya yi musu jaje a madadin ofishin karamin jakadancin kasar Sin, kuma yana fatan za su sauka lafiya.(Tasallah)