Sin ciki da waje (chinaabc)Rediyon kasar SinSashen Hausa
China Radio International
Labarun gida
Labarun duniya
Labarun Siyasa
Labarun Tattalin Arziki
Labarun Al'adu
Labarun Wasanni
Sauran Labaru
Saurari labarai da dumi-duminsu da sauran shirye-shirye
more>>
[ Al'adu ]
 --Al'adun Sinawa
 --Kabilun kasar Sin
[ Bunkasuwa ]
 --Tattalin arziki
 --Bunkasuwar Sin
[ Yawon shakatawa ]
 --Yawo a kasar Sin
 --Wurare masu yawo
[ Ilmi, Lafiya ]
 --Fagen bincike
 --Kiwon lafiya
[ Wasanni ]
 --Labaran wasannin
 --Me ka sani
(GMT+08:00) 2006-10-06 20:30:55    
Labari mai ban sha'awa game da wasannin Olympic na kasar Girka a can can zamanin da

cri

Aminai makaunatai, ko kuna sane da, cewa alkalan wasa suna kan matsayi mai muhimmanci a gun taron wasannin motsa jiki na Olympic na can can zamanin da.

Lallai alkalan wasa na taron wasannin Olympic na can can zamanin da suna da babbar hujja, wadanda sukan sa babbar riga mai launin shuni kuma sanye da hular fure a ka, wadda aka kirkiro da reshen itacen Olive yayin da suke rike da bulala a hannu wadda ke alamanta ikon mulki. Alkalan wasa sukan yi amfani da irin wannan bulala domin buga 'yan wasa wadanda suka karya dokokin wasa.

Idan aka kwatanta alkalan wasa na zamanin yau, to ana iya ganin, cewa alkalan wasa na can can zamanin da suna da hujjoji da dama. Tuni wata daya kafin a gudanar da taron wasannin Olympic, akan tura 'yan wasa zuwa wani wurin dake kusa da inda ake gudanar da taron wasannin Olympic domin koyon ka'idoji kan harkokin gasanni; A sa'I daya kuma, alkalan wasa sukan sa ido kan iznin da 'yan wasa suke da shi ta hanyoyi daban daban yayin da suke fadakar da su kan abubuwan da ya kamata su mai da hankali a kai a duk tsawon lokacin gasanni. A karshe dai, alkalan wasa sun zabi 'yan wasan da suke da iznin shiga gasanni.

Wani abu mai sha'awa shi ne, an dora babban nauyi bisa wuyan alkalan wasa a gun taron wasannin Olympic na can can zamanin da, wato kafin a bude taron wasannin Olympic, alkalan wasa suka mika umurnin dakatar da yin yaki zuwa garuruwa daban daban na kasar Girka. Wannan dai wani mhimmmin dalili ne da ya sa aka nace ga gudanar da taron wasannin Olympic na can can zamanin da sau daya cikin shekaru hudu. Rahoton tarihi ya yi nuni da ,cewa kafin a gudanar da taron wasannin Olympic, alkalan wasa sukan hawa kan dawaki rike da wutar yula mai tsarki da aka samo daga kan tsauni mai tsarki na Olympia zuwa garuruwa daban daban na Girka domin ba da umurnin dakatar da yin yaki. Nan take aka dakatar da yin yaki sa'annan aka bude dukkan hanyoyi wadanda aka rufe a lokacin yaki. To, bayan da aka aiwatar da umurnin daina yin yaki, sai nan da nan mutane suka bi wadanan hanyoyi zuwa wurin da ake gudanar da taron wasannin Olympic. Daga nan, ana ganin, cewa dalilin da ya sa taron wasannin Olympic na can can zamanin da ya dade har na tsawon shekaru fiye da dubu daya, shi ne alkalan wasa suka ba da umurnin dakatar da yin yaki kafin a gudanar da taron wasannin Olympic na can can zamanin da.

Wasu hujjoji na alkalan wasa na taron wasannin Olympic na can can zamanin da, sun hada da jan ragamar tawagar wakilan 'yan wasa zuwa haikalin tsafi na sararin samaniya domin yin rantsuwa, da shirya harkokin gasanni, da zaben wadanda suka cimma nasara da kuma yanke hukunci a fannin wasa. To, a bayyane ne aka gano, cewa a cikin wadannan hujjoji, hujjar yanke hukunci a fannin wasa ce kacal alkalan wasa na yanzu suke da ita.

An iske wani abun mamaki, cewa a cikin shekaru 200 na farkon taron wasannin Olympic na can can zamanin da, alkalin wasa daya kadai aka samu, shi ne sarkin kasar Girka. Daga baya, wato a cikin shekaru fiye da 1,000 na tarihin tarurrukan wasannin Olympic na can can zamanin da, 'yan iyalin garin Elis ne suka yi gado kan kujerar zama alkalan wasa, wato 'yan kabilun iyalin sukan zabi mutane biyu don su zama alkalan wasa. Sai dai zuwa shekarar 480 kafin haihuwar Annabi Isa Alaihisalam, yawan alkalan wasa ya karu zuwa 9; Kuma a gun taron wasannin Olympic na 108 da aka yi a shekarar 384 kafin haihuwar Annabi Isa Alaihisalam, yawan alkalan wasa ya karu zuwa 10;

To, yaya ne za a iya yin garanti ga alkalan wasa na wani gari don su yanke hukunci ga 'yan wasa na sauran garuruwa bisa matsayin adalci? Rahoton tarihi ya bayyana mana, cewa akwai jerin matakai da aka dauka na daidaita wannan magana. Daga daga cikin matakan, shi ne yin rantsuwa a haikalin tsafi na sararin samaniya. Lallai irin wannan biki yana da babban karfin firgita 'yan wasa na taro wasannin Olympic na can can zamanin da. A cikin kalmomin rantsuwar, alkalan wasa suka lashi takobin yin watsi da cin hanci da rashawa domin aiwatar da alhakin dake bisa wuyansu bisa matsayin daidaici da gaskiya. A gun taron wasannin Olympic na can dan zamanin da, idan wassu 'yan wasa suka ki amincewa da hukuncin da alkalan wasa suka yanke musu, to za su iya gabatar da koke-kokensu a gaban hukumar da abun ya shafa; kuma akan yi tarar kudi mai yawa ga wassu alkalan wasa wadanda suka yanke hukunci a gun gasanni ba kamar yadda ya kamata ba.( Sani Wang )