Bisa labarin da gidan rediyon kasar Iran ya bayar, an ce, a ran nan Mr. Larijani ya yi bayanin cewa, samar da makamashin nukiliya makasudi ne da kasar Iran ta tsara a fannin muhimman tsare-tsare. Dukan matakan da aka dauka don yunkurin kwace iko daga hannun kasar Iran ba su iya tilasta mata canja makasudin da ta tsara a da ba. Kasar Iran ba za ta durkusa a gaban dukan matsin lamba daga kasashen waje ba, ba za ta yi watsi da shirinta na nukiliya ba.

A wannan rana kuma, a birnin Tehran, kakakin ma'aikatar harkokin waje ta kasar Iran Mr. Hamid-Reza Asefi ya yi wa kafofin yada labaru cewa, babban sakataren Majalisar Dinkin Duniya Mr. Kofi Annan zai kai wa kasar Iran ziyara a ran 2 ga watan Satumba, zai yi tattaunawa da kasar Iran kan batun nukiliya nata da halin da Gabas ta Tsakiya ke ciki.(Tasallah)