A ran 17 ga wata a hedkwatar MDD da ke birnin New York, mataimakin babban sakataren MDD Mark Mallock Brown ya yi kira ga kasashe mambobin MDD da su bayar da sojoji ga rundunar MDD da ke Lebanon cikin gaggawa domin karfafa kwarewar rundunar.

A ran nan, hukumar kiyaye zaman lafiya ta MDD ta shirya wani taro domin tattaunawa a kan kara tura sojoji zuwa Lebanon. Mr Brown ya bayyana a kan taron cewa, aikin kara tura sojoji zuwa Lebanon da kyautata kayayyakin sojansu zai zama wani abu mai muhimmanci domin Isra'ila ta janye sojojinta daga kudancin Lebanon da gwamnatin Lebanon ta sake karbar ikon kudancin yankin kasar da bangarorin biyu na Isra'ila da Lebanon su tsagaita bude wuta har abada.(Danladi)