A gun bikin bude taron da aka yi a ran nan, babban sakataren Majalisar Dinkin Duniya Mr. Kofi Annan ya bukaci kungiyar Hezbollah ta kasar Lebanon da kasar Isra'ila da su daina daukan matakan soja nan da nan. Ya kuma jaddada cewa, dole ne bangarorin kasashen Lebanon da Isra'ila su tabbatar da tsagaita bude wuta nan da nan, in ba haka ba, ba za a yi ayyukan akidar jin kai yadda ya kamata ba. Ban da wannan kuma, firaministan kasar Italiya Mr. Romano Prodi ya bayyana cewa, kasar Italiya tana goyon bayan shawarar da Mr. Annan ya bayar kan girke sojojin duniya a bakin iyakar kasashen Lebanon da Isra'ila. Bangarorin da abin ya shafa suna bukatar samun ra'ayi daya kan kafa hanyar akidar jin kai, ta yadda za a kai wa kayayyakin ba da agaji a kasar Lebanin lami lafiya. Saboda taron bai sami ra'ayi daya kan batutuwan da abin ya shafa ba, shi ya sa, bayan taron, bi da bi ne bangarorin da abin ya shafa sun bayyana cewa, za su ci gaba da neman samun dabarar shawo kan rikicin kasashen Lebanon da Isra'ila.(Tasallah)