Da farko za mu gabatar muku da wani labari dangane da kiwon lafiya , sa'an nan kuma za mu gabatar muku da wani bayanin da ke da lakabi haka 'kasar Sin ta daidaita tsanancewar maganar miyagun kwayoyi bisa wani matsayi'.

Yanzu za mu soma gabatar muku da labarin da muka shirya muku.Bisa labarin da kafofin yada labaru na kasar Amurka suka bayar a kwanan baya, an ce, bincike mai dumi dumi da masu ilmin kimiyya na kasar Amurka suka yi ya nuna cewa, cin cakulan na madara yana amfana wa kara wa mutane kwarewar tunani.

Masu bincike na kasar Amurka sun raba mutane cikin rukunoni 4, daga baya kuma, mutanen rukuni na farko sun ci cakulan na madara gram 85, mutane na rukuni na 2 sun ci bakin cakulan gram 85, mutane na rukuni na 3 sun ci garin waken carob da a kan ci shi a maimakon cakulan gram 85, mutane na rukuni na 4 ba su ci kome ba. Bayan mintoci 15, an yi musu bincike ta fuskar kwakwalwa da halin dan Adam bi da bi, don yin bincike kan kwarewar tunani da kulawa da lokacin daukar matakai da kuma kwarewar warware matsaloli.

Sakamakon da aka samu ya shaida cewa, mutanen da suka ci cakulan na madara sun fi rike da abubuwa a cikin zukatansu ta hanyoyin karanta da idanu, in an kwatanta su da sauran mutanen da aka yi bincike kansu, wadanda suka ci cakulan nan madara da bakin cakulan sun karfafa kwantar da zuciya da kuma lokacin daukar matakai.

Mai kula da wannan bincike ya bayyana cewa, cakulan yana kunshe da theobromine da caffeine da sauran abubuwan da ke sa kaimi kan kwakwalwar mutane. A da mutane suna ganin cewa, wadannan abubuwan sun ba da taimako ga mutane wajen lura da kuma mai da hankali kan abubuwa, amma sakamakon da suka samu ya nuna cewa, bayan da wani mutum ya ci cakulan, ya yi zumudi, ta yadda za a karfafa hazakarsa.

Binciken da aka yi a da ya nuna cewa, wasa abubuwa masu gina jiki da ke cikin abinci suna amfana wa rabuwar sukarin inabi da kuma sa kaimi kan bugun jini, ta yadda za a kara wa mutane kwarewar fahimi.

To, yanzu ga wani bayanin da muka shirya muku game da halin da kasar Sin take ciki a fannin maganar miyagun kwayoyi. Yau ran 26 ga watan Yuni rana ce ta yaki da kwayoyi masu gusar da hankali ta duniya. Yanzu dukan mutanen duniya suna fuskantar matsaloli iri daban daban da miyagun kwayoyi suke kawo musu. Gwamnatin kasar Sin ta riga ta dauki matakai don daidaita tsanancewar maganar miyagun kwayoyi a kasar.