Mr. Nsibambi ya bayyana cewa, kasashen Uganda da Sin suna da hulda mai kyau a tsakaninsu, kyautata yin hadin gwiwa da kasar Sin manufa ce da gwamnatin kasar Uganda ke bi, kuma ba za ta canja ta ba. A tsanake ne kasar Uganda za ta aiwatar da ra'ayi daya a fannoni daban daban da kasashen 2 suka samu, ta yadda za kara samun sakamako wajen yin hadin gwiwa. Ya kuma nanata cewa, kasar Uganda tana tsayawa tsayin daka kan bin manufar kasar Sin daya tak a duniya, tana goyon bayan babban aikin dinkuwar kasar Sin gu daya.

Mr. Wen ya darajanta gwamnatin kasar Uganda saboda tana tsayawa tsayin daka kan bin manufar kasar Sin daya tak a duniya. Ya kuma bayyana cewa, a lokacin ziyararsa a kasar Uganda, shugaba Museveni da shi sun zurfafa yin tattaunawa kan kara raya huldar da ke tsakanin kasashen 2, sun sami ra'ayi daya a fannoni daban daban. Kasashen 2 sun rattaba hannu kan yarjejeniyoyin yin haidn gwiwa a jere. Ziyararsa ta tabbatar da makasudi na kara wa juna fahimta da amince da kuma ingiza yin mu'amala da hadin gwiwa.(Tasallah)