Kasar Sin ta yi nasarar harba rukuni na 3, na taurarin bil adama samfurin Yaogan-31, wadanda ake amfani da su wajen tattara bayanai daga nesa ta na’urori masu kwakwalwa. An harba taurarin dan adam din ne da misalin karfe 10:22 na safiyar Larabar nan, bisa agogon birnin Beijing, ta amfani da rokar Long March-4C, daga cibiyar harba kumbuna ta Jiuquan dake arewa maso yammacin kasar Sin.