Babban manajan kamfanin gina hanyar jirgin kasa ta Qinghai-Tibet Lu Yongzhong ya yi bayani ga manema labaru cewa, yanzu ana gina hanyar jirgin kasa daga Xining zuwa Ge Ermu, inda kamfanin ya hada kai da gwamnatin wurin don dasa itatuwa a gefen hanyar. Yanzu a jihar Tibet, ana kokarin dasa ciyayi don farfado da tsire-tsire a gefen hanyar.

An ba da labari cewa, tun da aka bude hanyar jirgin kasa ta Qinghai-Tibet cikin shekaru biyu da suka gabata, an rage fitar da gurbatattun abubuwa daga jiragen kasa da tashoshinsu. A sa'I daya kuma, an kyautata tsarin sa ido kan muhalli cikin dogon lokaci, da yin nazari da kyautata manufofi da matakan kiyaye muhalli na tudun.(Asabe)