Hu Jintao ya bayyana cewa, dalilin da ya sa dangantakar dake tsakanin kasashen biyu ta yi ta bunkasa da kyau shi ne dangantakar tana da kyakyawan tushe, kuma bangarorin biyu suna neman moriya daya, kana da su ba da muhimmanci kan dangantakar. Sin ta yi farin ciki da ganin cewa, duk jam'iyyu na kasar Mauritius suna bin manufar nuna zumunci ga Sin, da dukufa kan bunkasa dangantakar dake tsakaninsu. Ya jaddada cewa, Sin ta mai da hankali kan bunkasa abokiyar dangantakar hadin kai dake tsakanin kasashen biyu, kuma tana fatan yin kokari tare da kasar Mauritius na tinkarar matsalar kudi.

Bugu da kari, Hu Jintao ya yi nuni da cewa, kara mu'amala tsakanin jam'iyyu muhimmin aiki ne wajen bunkasar dangantakar dake tsakaninsu. A nan gaba, jam'iyyar kwaminis ta Sin tana son kara hadin gwiwa da mu'amala da jam'iyyu na Mauritius don ci gaba da samun bunkasuwa a kan dangantakar dake tsakaninsu.

Mr. Paul Berenger yana maraba da ziyarar da Hu Jintao ya yi, da nuna babban yabo ga kasar Sin da ta dauki matakai don tinkarar matsalar kudi da kasa da kasa ke fuskanta, kuma ya nuna godiya ga kasar Sin da ta taka muhimmiyar rawa a Afrika, da taimakon da ta baiwa Mauritius bayan da kafuwar dangantakar diplomasiya dake tsakanin kasashen biyu. Jam'iyyar yaki ta Mauritius tana fatan kara yin mu'amala da jam'iyyar kwaminis ta Sin da tsaya kan bin manufar Sin daya tak.(Asabe)