2020-10-19 10:12:27        cri

A jiya ne, 'yan kasar Guinea suka kada kuri'ar zaben shugaban kasar da 'yan takara 12 suka fafata, ciki har da shugaban kasar mai ci Alpha Condé.

Alkaluman da hukumar zabe mai zaman kanta ta kasar ta fitar, sun nuna cewa, sama da masu kada kuri'a miliyan 5 da aka yiwa rijista ne, ake sa ran za su kada kuri'unsu a kimanin runfunan zabe 15,000 da aka tanada.

Galibin ra'ayoyin jama'a na nuna cewa, akwai yiwuwar a sake zaben Condé kan wannan mukami.(Ibrahim)