Wang Wenbin, kakakin ma'aikatar harkokin wajen kasar Sin ya bayyana yau Litinin a nan Beijing cewa, kasar Sin na son hada kai da kasashen duniya wajen tabbatar da kasancewar sassa daban daban a duniya, da yaki da annobar cutar numfashi ta COVID-19 da daidaita sauran kalubaloli tare, a kokarin raya al'umma mai kyakkyawar makoma ga dukkan 'yan Adam.

Kwanan baya, António Guterres, babban sakataren MDD ya bayyana cikin jawabinsa a yayin taron manyan jami'ai na kwamitin MDD mai kula da tattalin arziki da jin dadin jama'a cewa, yaduwar annobar ta COVID-19 ta nuna muhimmancin inganta da sake yin alkawarin tabbatar da kasancewar sassa daban daban tare cikin hadin gwiwa a duniya. (Tasallah Yuan)