2020-04-17 10:13:47        cri

Cibiyar dakile yaduwar cututtuka da kandagarkinsu ta Nijeriya, NCDC, ta ce adadin wadanda suka kamu da cutar COVID-19 a kasar ya karu zuwa 442, inda aka samu sabbin mutane 35 da aka tabbatar sun kamu da cutar a jiya Alhamis.

Cibiyar ta ce an kuma samu mutum guda da ya mutu a jiyan, wanda ya kawo adadin wadanda suka mutu sanadiyyar cutar a kasar, zuwa 13.

Sanarwa da cibiyar ta fita, ta ruwaito cewa, kawo yanzu akwai mutane 152 da aka sallama daga asibiti bayan sun warke.

A ranar Litinin ne Shugaban Nijeriya Muhammadu Buhari, ya sanar da tsawaita dokar hana fita a jihohin Lagos, da Ogun, da babban birnin kasar Abuja, da karin makonnin 2, yana mai cewa matakin shi ne hanya mafi dacewa ta dakile yaduwar cutar. (Fa'iza Mustapha)