2020-01-03 14:02:42        cri

 

Motar binciken duniyar wata ta kasar Sin, mai suna "Yu Tu 2", ta yi tafiya a doron duniyar wata mai nisa, wadda tsawonta ya kai mita 357.695, domin gudanar da wasu ayyuka na bincike.

Cibiyar gudanar da shirin nazarin sararin samaniya da duniyar wata, ta hukumar binciken sararin samaniya ta kasar Sin ta nuna cewa, na'urorin na tafiya yadda ya kamata, bayan sun isa duniyar wata, inda motar binciken ta yi nazari kan wasu wurare, tare da daukar hotuna kan wani dutse dake fuskar duniyar wata, gami da yin bincike kan wannan dutse ta hanyar amfani da wani nau'in haske.

An ba da labarin cewa, a ran 8 ga watan Disamba na shekarar 2018, Sin ta harba na'urar bincike ta Chang E 4, wadda ta isa kwarin Von Karman dake duniyar wata mai nisa, a ranar 3 ga watan Janairu na shekarar 2019. (Amina Xu)