2019-12-04 20:38:25        cri

Ministan harkokin wajen kasar Sin Wang Yi, ya ce bin ra'ayin kashin kai, da danniya barazana ne ga zaman lafiya da daidaito a duniya. Wang Yi ya bayyana hakan ne, yayin ganawar sa da takwararsa ta kasar Koriya ta kudu Kang Kyung-wha, lokacin da yake ziyarar aiki yau Laraba a birnin Seoul.

Ya ce bin ra'ayin kashin kai na haifar da illa ga tsarin gudanarwa na kasa da kasa, yana kuma gurgunta tsarin cudanya tsakanin kasashen duniya. Daga nan sai ya jaddada aniyar kasar Sin, ta ci gaba da nacewa akidar cudanya da sauran kasashen duniya bisa salo na zaman lafiya, da yayata akidar daidaito tsakanin kasashe manya da kanana, tare da martaba tsarin dimokaradiyya tsakanin dukkanin kasashen duniya. (Saminu)