Yanzu haka ana ci gaba da gudanar da taron koli na matasan nahiyar Afrika da kasar Sin Karo na 4, a birnin Guangzhou na kasar Sin. Taron matasan taro ne dake gudana duk shekara, domin sada zumunta, da kara fahimtar juna tsakanin matasan Afrika da Sin, wanda kuma daya ne daga cikin bangarorin hadin gwiwa karkashin dandalin tattauna hadin gwiwar Sin da Afrika wato FOCAC. Manufar ita ce, kyautatawa, da raya dangantakar bangarorin biyu.
