Jakadan musamman na shugaba Xi Jinping na kasar Sin mista Wang Guangqian, zai halarci bikin rantsar da shugaban kasar Mauritania Mohamed Ould Cheikh Ghazouani, wanda zai gudana a gobe Alhamis 1 ga watan Agusta.

Kakakin ma’aikatar harkokin wajen kasar Sin Lin Jian, ya bayyana hakan a Larabar nan, inda ya ce Wang Guangqian wanda shi ne mataimakin shugaban kwamitin majalissar ba da shawara kan harkokin siyasa na kasar Sin, zai halarci bikin da za a gudanar a birnin Nouakchott fadar mulkin Mauritania bisa gayyatar shugaban kasar.   (Saminu Alhassan)